Zërin Tënd Po E Dëgjoj
Words and music by Lewis Hartsough · tr. Jan Foss · 1872
Key of · BPM · 4/4 · · Gjoni 10:27
Verse 1
Zërin tënd po e dëgjoj,
Duke më thënë sot:
"Pastrim do t’gjesh në gjakun tim
Që derdha në Golgotë."
Chorus
Po vij tek ti, o Zot!
Tek ti po vij unë sot.
Më pastro në gjakun tënd
Që derdhe në Golgotë.
Verse 2
Qoft’ i dobët, qoft’ i lig,
Nga ti fitoj fuqi;
Dhe shpirtin tim të ndytë e lan
Nga çdo padrejtësi.
Verse 3
Mua Jezusi po më nxit
T’jetoj në dashuri
Me paqe e me shpresë të plotë
Në mbretërinë e tij.
Verse 4
Ku mëkati mbretëroi,
Jezusi sot vepron;
Duke m’treguar hir mbi hir
Nga faji më liron.
Verse 5
Mua në zemrën time ai
Më jep këtë dëshmim,
Që çdo premtim unë do t’fitoj
N’u lutsha me besim.
Verse 6
Hirin e shpërblyeshëm
E gjakun që pajton
I gjeta në Jezus Mesinë,
Që jetën ma drejton.
Public domain — free for any use, anywhere, forever.