സന്തോഷത്തോടോന്നിക്കാം
Words and music by ചാൾസ് വെസ്ലി · tr. സൈമണ് സഖറിയ · 2014
Key of · BPM · 4/4 · · 2 ശമുവേൽ 22:50
Verse 1
സന്തോഷത്തോടോന്നിക്കാം
ക്രിസ്തുവിന്നായ് പാടീടാം
താതന്നു സ്തുതിയെന്നു
ഒന്നിച്ചൊന്നായ് ആർപ്പിടാം
Verse 2
യേശു എന്നും അനന്യൻ
ഇന്നലെപ്പോൽ എന്നെന്നും
എവിടെയും എപ്പോഴും
പൂർണ്ണ കൃപ, സത്യവും
Verse 3
ക്രിസ്തു നാഥന്നായ് നില്ക്കാം
കൂരിരുട്ടിൽ ദീപം പോൽ
സ്വയത്തെ മരിപ്പിച്ചു
തൻ സാക്ഷിയായ് ജീവിക്കാം
Verse 4
സാക്ഷികൾ നാം ക്രൂശിന്നായ്
തന്നോടൊപ്പം മരിച്ചു
മരണത്തെ തോല്പിച്ചു
ആത്മാവെ പ്രാപിച്ചു നാം
Verse 5
സ്നേഹത്താൽ നാം യത്നിക്കാം
ആത്മ ജ്വാല കത്തിക്കാം
രക്ത സാക്ഷി ആയീടാം
ദൈവ ധീരരായിടാം
Verse 6
നിന്നിൽ പൂർണ്ണനാക്കെന്നെ
മഹത്വം അണിയിക്ക
നിൻ മുൻപിൽ ഞാൻ എത്തുമ്പോൾ
ശുദ്ധരൊത്തു വാഴുമ്പോൾ
Verse 7
സ്നേഹത്തിൽ ജീവിച്ചീടാൻ
സന്തോഷം പൂർത്തിയാക്കാൻ
ദൈവ കോപം ഒഴിവാൻ
വിശ്വാസത്തെ പങ്കിടാൻ
Verse 8
ആത്മഫലം കായ്ച്ചീടാൻ
കല്പിക്ക നീ ഞങ്ങളിൽ
ശാന്തി സ്നേഹം വർദ്ധിപ്പാൻ
ഉത്തമരായ് വർത്തിപ്പാൻ
Verse 9
വിനയം ധരിപ്പിക്ക
ക്ഷമ, ദയ, കാരുണ്യം
പഠിപ്പിക്ക താഴ്മയും
നിൻ നന്മകൾ വർഷിക്ക
Verse 10
ക്രിസ്തു വാഴുന്നുന്നതേ
കൂടെ നാമും വാഴേണം
ദൈവത്തിൻ വലഭാഗേ
സ്നേഹമായ് വാഴും നമ്മൾ
Verse 11
വന്നരുൾക നാഥനെ
താഴ്മയോടെ ഭൂതലേ
കണ്പാർക്ക ഈ ഭൂമിയെ
കടാക്ഷിക്ക മർത്യരെ
Verse 12
കൈ ഉയർത്തി പാടട്ടെ
പണ്ടേപോലെ പാടട്ടെ
സ്വർലോകത്തിൻ ആനന്ദം
ആഘോഷിക്കാം സ്നേഹത്തെ
Verse 13
ആഗമിക്ക യേശുവേ
അഥിതിയായ് എന്നുള്ളിൽ
ശുദ്ധി ചെയ്ക എൻ മനം
വന്നു വാഴ്ക വിരുന്നിൽ
Verse 14
വാഗ്ദത്തം പോൽ വായെന്നിൽ
നിൻ മഹത്വ നാമത്തിൽ
സാന്നിധ്യം തന്നീടുക
ഞങ്ങൾ മദ്ധ്യേ ഇന്നേരം.
Verse 15
ശുദ്ധി ചെയ്ക ഞങ്ങളെ
ശാന്താത്മാവെ ചൊരിക
ഞങ്ങളിൽ നീ വർത്തിക്ക
സദ്യേ സ്നേഹം ചൊരിക
Verse 16
കുഞ്ഞാട്ടിൻ കല്ല്യാണത്തിൽ
പേർ ചൊല്ലി വിളിക്കെന്നെ
തൻ മാർവിൽ അണക്കെന്നെ
എന്നും സ്നേഹ വിരുന്നിൽ
Verse 17
കല്പന പോൽ ഒന്നിക്കാം
ഏകാമാകാം ആത്മാവിൽ
അന്യോന്യം സഹായിക്കാം
പ്രത്യാശ പകർന്നീടാം
Verse 18
ദൈവം നല്കും ആശിഷം
പൂർത്തിയാക്കും തൻ വാക്കു
തൻ വിധത്തിൽ വർത്തിക്കും
തുഷ്ടിയേകും ഏവർക്കും
Verse 19
സോദരരെ സ്നേഹിക്കാം
വർദ്ധിപ്പിക്കാം തൻ ദാനം
യത്നിച്ചീടാം എന്നാളും
ശുദ്ധിയായ് ജീവിച്ചീടാം
Verse 20
പിമ്പുള്ളതു മറക്കാം
പിൻ ചെന്നീടാം ക്രിസ്തുവേ
ലക്ഷ്യം നോക്കി മുന്നേറാം
പ്രാപിക്കാം കിരീടത്തെ
Verse 21
വിശ്വാസം താ ഞങ്ങൾക്കു
ഞങ്ങൾ വേല തികയ്പ്പാൻ
വിധി കർത്താ ദൈവം താൻ
വിശ്വാസം താ കൃപയ്ക്കായ്
Verse 22
പൂർണ്ണമായ വിശ്വാസം
പൂർണ്ണ ജയം നല്കുന്നു
പാപം പോക്കി രക്ഷിക്കും
ആത്മാവെ പുതുക്കീടും
Verse 23
ഈ വിശ്വാസം പ്രാപിക്കാം
രക്ഷയെയും തന്മൂലം
സ്വർഗ്ഗം പൂകാം അന്നേരം
നിത്യജീവൻ നേടീടാം
Verse 24
വിശ്വാസം നാം സൂക്ഷിക്കാം
നാഥനെ കാണും വരെ
സ്നേഹത്താലെ വിശ്വാസാൽ
നില്ക്ക ക്രിസ്തൻ പാറമേൽ
Verse 25
പ്രത്യശയിൻ പങ്കാളി,
ഉയർത്തീടിൻ ശബ്ദത്തെ
അത്യുച്ചത്തിൽ പാടീടാം
ക്രിസ്തു നാഥൻ രാജന്നായ്
Verse 26
യേശുവിൻ കൃപകളെ
ആസ്വദിച്ചു സ്തുതിക്കാം
തൻ വഴിയിൽ ജീവിക്കാം
വ്യർത്ഥമല്ല വിശ്വാസം
Verse 27
തൻ വെളിച്ചെ പോകുമ്പോൾ
മനങ്ങളെ ഒന്നാക്കും
നൽ കൂട്ടായ്മ പ്രാപിക്കും
കർത്തൻ സ്നേഹ കൂട്ടായ്മ
Verse 28
സന്തോഷത്തോടൊന്നാകാം
തൻ വേലയിൽ ഒന്നിക്കാം
യേശുവിന്റെ രക്തത്താൽ
ശുദ്ധി നേടാം ദിനവും
Verse 29
നല്ക വീണ്ടും വിശ്വാസം
അശുദ്ധിയെ അകറ്റാൻ
അശുദ്ധിയെ തീണ്ടാത്തോൻ
യോഗ്യരാക്ക ഞങ്ങളെ
Verse 30
തിന്മയെ ഇല്ലാതാക്ക
ദൂരെ നീക്ക വേരോടെ
പാപത്തെ നശിപ്പിക്ക
ഹൃത്തിൽ സ്നേഹം നിറയ്ക്ക
Verse 31
സൽപ്രവർത്തി ചെയ്തീടാൻ
ക്രിസ്തൻ സാക്ഷ്യം വഹിപ്പാൻ
അന്യോന്യ സ്നേഹത്താലെ
നിങ്കൽ ചേർക്ക ഞങ്ങളെ
Verse 32
നിന്റെ സ്നേഹം ചൊരിക
ഹൃത്തിടെ പതിപ്പിക്ക
സ്നേഹം മാത്രം തന്നരുൾ
മറ്റൊന്നില്ല സ്നേഹം പോൽ
Public domain — free for any use, anywhere, forever.