ദൈവമേ എത്ര അഗാധമഹോ നിൻ
Words and music by റ്റി. ജെ. ആൻഡ്രൂസ് · 1871
Key of · BPM · 4/4 · · ഇയ്യോബ് 42:2
Verse 1
ദൈവമേ എത്രയാഗാധമഹോ നിൻ ദിവ്യ വിചാരണകൾ -ഓർക്കിൽ
എവ്വിധമതിലെ ദിവ്യ രഹസ്യങ്ങൾ ചൊവ്വോടറിഞ്ഞിടുന്നു
Verse 2
വാനവും ഭൂമിയുമാഴവുമൊരുപോൽ വാണരുന്നു സദാ- മഹാ
ജ്ഞാനമോടവയെ നിൻ മഹത്വത്തിന്നായ് നീ നടത്തീടുന്നഹോ!
Verse 3
നിൻ പ്രിയ മക്കടെ നന്മയിലേക്കായ് അമ്പിയലും പരനേ-എല്ലാം
ഇമ്പമോടൊന്നായ് വ്യാപരിച്ചീടുന്നു തുമ്പമവർക്കു വൃഥാ
Verse 4
മൊട്ടിനു കൈയ്പ്പു രുചിക്കിലുമായതു പൊട്ടി വിടർന്നിടുമ്പോൾ -അതു
കാട്ടുമതിൻ മധുരാകൃതിയും തേൻ കട്ടയുമുണ്ടകമേ
Verse 5
ശിക്ഷയിലും ബഹു കഷ്ടത തന്നിലും അക്ഷയനാം പരനേ-നിന്റെ
രക്ഷയിൻ മാമധുരം രുചിക്കാമതു നിശ്ചയമീയെനിക്ക്
Verse 6
എന്തിനു പൊന്തി വരുന്നൊരു കാറിനാൽ ചിന്ത തളർന്നിടുന്നു-വരം
ചിന്തിടുമാറതു പൂർണ്ണമതോർത്താൽ സന്തോഷമേയെനിക്കു
Verse 7
എത്ര കരുത്തൊരിരുട്ടിലുമീ ഞാൻ കർത്തനേ നിൻ വലങ്കൈ -കണ്ടെൻ
അത്തലടക്കി മനോസുഖമെപ്പോഴും എത്തിടാമേ പരനേ
Public domain — free for any use, anywhere, forever.